Ինչպե՞ս վերացնել այտուցը, որո՞նք են այտուցի վտանգավոր պատճառները          Մոնտաժված ձայնագրության հիման վրա անհնար է սկսել վարույթի հարուցում․ Գագիկ Ջհանգիրյանը կարգապահական պատասխանատվության չի ենթարկվի․ ԲԴԽ       Տեսանյութ.Զավեշտալի է.Հունիսի 3-ի գործով 2 տղամարդ նույն բառերով ցուցմունք են տվել. որոշեցի գտնել սիամական երկվորյակներին    

10 մայիս 2022 16:16

ԱՀԿ-ն ուռճացրել է ՀՀ-ում Covid-19-ի հետևանքով ավելցուկային մահերի վերաբերյալ տվյալները

Առողջապահության համաշխարհային կազմակերպության (ԱՀԿ)` Հայաստանում Covid-19-ի հետևանքով ավելցուկային մահերի վերաբերյալ տվյալները ուռճացված են։ Այս հայտարարությունը տարածել է ՀՀ առողջապահության նախարարությունը։
Գերատեսչությունը հայտնում է, որ նախարար Անահիտ Ավանեսյանի հանձնարարությամբ վերլուծության են ենթարկվել ԱՀԿ–ի` Covid-19-ի հետևանքով ավելցուկային մահերի մասին հերթական զեկույցի` Հայաստանի վերաբերյալ տվյալները։
«Պարզվել է, որ մահացության հաշվարկման տեխնիկական աշխատանքային խմբի զեկույցում ներկայացված` համավարակի առաջին 2 տարիների ընթացքում 100 հազար բնակչության համար մոտ 650 մահվան բարձր ցուցանիշն ուռճացված է, քանի որ այն արտացոլում է ոչ միայն երկրում համավարակով պայմանավորված, այլև պատերազմի և դրա հետևանքով արձանագրված մահերը: Բացի այդ, 2020 և 2021 թվականների համար փորձագետների կողմից օգտագործվել են հասանելի նախնական տվյալներ, որոնք տարբերվում են վերջնականից»,– ասված է նախարարության հաղորդագրության մեջ:
Հաշվի առնելով վերոգրյալը` առողջապահության նախարարությունը կդիմի ԱՀԿ-ին` պահանջելով լրացուցիչ մեկնաբանություններ և հրապարակված վերլուծության վերանայում:


Մեկնաբանություններ


Համընկնող լուրեր