Ռուսները հարձակման են անցնում Դոնեցկի ուղղությամբ. փորձում են հակագրոհներ իրականացնել՝ կորցրած դիրքերը վերականգնելու համար
Ռուսական զորքերը ակտիվացրել են հարձակողական և գրոհային գործողությունները Դոնեցկի ուղղությամբ. նշվում է Ուկրաինայի զինված ուժերի գլխավոր շտաբի՝ մայիսի 20-ի օպերատիվ տեղեկատվության մեջ։«Դոնեցկի ուղղությամբ հակառակորդը ուժեղացրել է հարձակողական գրոհային գործողությունները՝ մարտավարական իրավիճակը բարելավելու համար։ Նա կրակային վնաս է հասցրել ականանետներից, թնդանոթային հրետանուց, բազմակի հրթիռային համակարգերից և օպերատիվ-մարտավարական ավիացիայից՝ շփման գծի ողջ երկայնքով մեր ստորաբաժանումների ամրությունները ոչնչացնելու համար»,- ասվում է հաղորդագրությունում։
Ըստ Ուկրաինայի ԳՇ-ի՝ Խարկովի ուղղությամբ ռուսները փորձում են հակագրոհներ իրականացնել՝ կորցրած դիրքերը վերականգնելու համար։ Նրանք օդային հետախուզություն են իրականացնում՝ կիրառելով անօդաչու թռչող սարքեր։
