Տեսանյութ.Պարոն վարչապետ, դուխով գլխարկը կորցրե՞լ եք, բա եկեք մեր դիմաց կանգնեք՝ առանց ոստիկանների
Թուրքը մեզ համար է վիրավորական կատեգորիա, իրենց համար բարեկամության խորհրդանիշ է. բա թուրքերը չեն վիրավորվի՞, որ իրենք «թուրք» բառից վիրավորվում են: Այս մասին, այսօր՝ մայիսի 26-ին, ԲԴԽ-ի դիմաց զոհված զինծառայողների հարազատների բողոքի ակցիայի ժամանակ նշեց «5165 շարժման» ղեկավար, 44-օրյա պատերազմում զոհված Մենուա Հովհաննիսյանի մայր Կարին Տոնոյանը:«Բա բանակցություններին դա չի խանգարի՞, որ թուրքերը լսեն, որ հայերի ասած «թուրք» բառից դատավորները կամ պետական այրերը վիրավորվում են: Բա ձեզ համար ձեր եղբայրներն են, ինչի՞ եք սենց վիրավորվում այդ բառից: Ինչու եք այսպիսի որոշումներ կայացնում միայն այդ բառն ասելու համար: տարօրինակ է, չէ՞:
Բա որ թուրքն այդքան զարգացել, մարդ է դարձել, եղբայրի կարգավիճակ կարող է ստանալ, բա դրանից շոյվեք, ինչու եք վիրավորվում»,-ասաց նա:
Կարին տոնոյանը դիմեց վարչապետ Նիկոլ Փաշինյանին. «Պարոն վարչապետ, ձեզ եմ դիմում, էդ ԱԺ-ի բեմում այդքան ոստիկաններով, սաղավարտներով, վահաններով շրջափատված, մուկն էլ բերեք էդպես կթփրտա: Բա եկեք մեր դեմ կանգնեք առանց ոստիկանների, բա եկեք ծնողների դեմը կանգնեք, «նախկիններ» ասելով չհոգնեցի՞ք: Եկեք մեզ հետ խոսեք, գլխարկը կորցրե՞լ եք, կնվիրենք էդ դուխով գլխարկը»:
Նշենք, որ «Դիմադրության» շարժման մասնակիցները առավոտյան Ֆրանսիայի հրապարակից երթ են սկսել դեպի Բարձրագույն դատական խորհուրդ, որպեսզի սատարեն 44-օրյա պատերազմում զոհված և անհետ կորած ծնողների հարազատներին, որոնք ԲԴԽ–ի դիմաց բողոքի ակցիա են անում՝ վարչապետ Նիկոլ Փաշինյանի նկատմամբ պետական դավաճանության հատկանիշներով քրեական գործ հարուցելու պահանջով։
