ԵՄ-ն խոչընդոտելու է արցախյան ապրանքների արտահանումը․ պաշտոնական
«Հայկական ալիքը» գրում է. «Հունիսի 7-ին Բաքվում ԵՄ ներկայացուցչության ղեկավար, դեսպան Պյոտր Միխալկոն հանդիպել է Ադրբեջանի Պարենային անվտանգության գործակալության նախագահ Ղոշղար Թահմազլուի հետ։ Խոսելով Արցախի՝ այսպես կոչված «Հայաստանի կողմից օկուպացված» տարածքներում գինու և «made in Armenia» մակնշման ներքո այլ ապրանքների «ապօրինի արտադրության», վաճառքի և ԵՄ արտահանման մասին՝ Պ․ Միխալկոն ընդգծել է, որ ԵՄ Ադրբեջանին աջակցություն կցուցաբերի «նման նեգատիվ իրավիճակները կանխելու համար»։ Եթե դիվանագիտական լեզվից թարգմանելու լինենք, ապա ԵՄ դեսպանը փաստացի բանավոր պարտավորություն է ստանձնել խոչընդոտելու Արցախից ՀՀ միջոցով ԵՄ երկրներ արտահանումը։Նշենք, որ ՀՀ դե-ֆակտո իշխանությունների կողմից որևէ պատասխան չկա իր տարածքից արտահանումն առերևույթ ապօրինի խոչընդոտելու մասին հայտարարությանը։
