Հայաստանին է մոտենում հաջորդ ցիկլոնը          Կամ պետք է էլի զիջենք կամ՝ կլինի պատերազմ... Սարսռել կարելի է այն մտքից՝ թե տավուշցիները որոշել են ինքնապաշպանական խմբեր ստեղծել իրենց գյուղերը պաշտպանելու համար       Մեզ թողեք մենք այդ ճանապարհով գնանք, մենք ձեր թշանամին ու մեր թշնամի չենք, մենք դավաճան չենք, մենք հող ծախող չենք    

30 հուն 2022 11:31

Տեսանյութ.Ի՞նչ շահագրգռություն ունի Ղազախստանը՝ ստորագրելով հակահայկական այդ փաստաթուղթը.ՀՀ տարածքով անցնող դեռևս գոյություն չունեցող «միջանցքը»՝ «Բաքվի Հռչակագրի» մաս

Ալիևի ցանկացած անդրադարձ Ադրբեջանի համար այդքան ցանկալի, այսպես կոչված, «Զանգեզուրի միջանցքին»՝ ուղիղ սպառնալիք է Հայաստանին ու գործող իշխանությանը: Օրեր առաջ Բաքվի IX գլոբալ ֆորումի բացման ժամանակ Ալիևը կրկին հայտարարել է, որ այդ միջանցքի շուտափույթ բացումը տարածաշրջանում «խաղաղության» հիմնարար տարրերից մեկն է: «Եթե մեզ հասանելիություն չտրվի, ապա դժվար կլինի խոսել խաղաղության մասին, և Ադրբեջանի բոլոր ջանքերը՝ ուղղված Հայաստանի հետ նորմալ համակեցություն և բարիդրացիական հարաբերություններ հաստատելուն, կտապալվեն»,- ասել է Ալիևը։
Ալիևը վստահ է, որ իրավունք ունի պահանջել «Զանգեզուրի միջանցքը», քանի որ Հայաստանը ստորագրել է համապատասխան հայտարարությունը։
Հայաստանի տարածքով անցնող գոյություն չունեցող միջանցքի մասին հիշատակություն կա նաև օրեր առաջ Ադրբեջանի, Թուրքիայի և Ղազախստանի արտաքին գործերի և տրանսպորտի նախարարների միջև կնքված «Բաքվի Հռչակագրում»։ Իսկ տարածքը, որտեղով անցնելու է այդ գոյություն չունեցող միջանցքը, կոչվում է «արևելազանգեզուրյան» շրջան:
Ի՞նչ շահագրգռություն ունի այս ամենի առնչությամբ Ղազախստանը, ինչո՞ւ է ստորագրել, ըստ էության, հակահայկական փաստաթուղթ՝ Հայաստանի նման լինելով ՀԱՊԿ-ի ու ԵՏՄ-ի անդամ։
 
Հայաստանի ինքնիշխան տարածքով միջանցք անցկացնելու իրենց քաղաքական նպատակները Թուրքիան ու Ադրբեջանը քողարկում են տնտեսական հիմնավորումներով՝ փորձելով միջազգային հանրության շրջանում տպավորություն ստեղծել, թե իբր այդ միջանցքն էական նպաստ է բերելու Արևելք-Արևմուտք առևտրաշրջանառությանն ու բեռնափոխադրումներին։ Իրականում, և դրա մասին բազմիցս խոսել են փորձագետները, այսպես կոչված, «Զանգեզուրի միջանցքը» քաղաքական նախագիծ է, որը պիտի սպասարկի Թուրքիայի և Ադրբեջանի շահերն ու ծրագրերը։
 
Թեման մանրամասնում է քաղաքագետ Ստեփան Դանիելյանը:
 

Մեկնաբանություններ


Համընկնող լուրեր