Կապիկի ծաղիկի հետ կապված իրավիճակը հորինված պատմություն է, իմաստ չունի հատուկ միջոցներ, սահմանափակումներ մտցնել.ՌԴ Պետդումա
Չարժե Ռուսաստանում սահմանափակումներ մտցնել կապիկի ծաղիկի պատճառով, սա «հորինված պատմություն է», Ռուսաստանում լուրջ բռնկումներ չեն լինի, ՌԻԱ Նովոստիին ասել է Պետդումայի առողջապահության պաշտպանության կոմիտեի փոխնախագահ Սերգեյ Լեոնովը։«Իհարկե, ռուսները չպետք է վախենան կապիկի ծաղիկից, մենք դեռ ոչ մի դեպք չենք արձանագրել… Կարծում եմ, որ սա պարզապես հորինված պատմություն է, և Ռուսաստանի Դաշնությունում հիվանդության բռնկում հաստատ չի լինի»,-ասել է Լեոնովը:
Պատգամավորը հավելել է, որ կապիկի ծաղիկը տարածվում է միայն մարդկանց սերտ շփման միջոցով, ուստի դրա տարածումն այնքան էլ արագ չէ։
«Այս հիվանդությունը չի տարածվում, ինչպես COVID-19-ը, այսինքն՝ բավականին դժվար է վարակվել կապիկի ծաղիկով. այն փոխանցվում է ոչ թե օդակաթիլային ճանապարհով, այլ մարդկանց սերտ շփման միջոցով»,- ասել է նա։
Լեոնովի խոսքով՝ այս պահին հիվանդության պատճառով սահմանափակումներ մտցնելու կարիք չկա։
«Եթե արձանագրվում են դեպքեր, ապա պարզապես դադարեցրեք վիրուսի փոխանցման շղթաները: Իմաստ չունի հատուկ միջոցներ, սահմանափակումներ մտցնել»,- եզրափակել է նա։
Ավելի վաղ Ռուսաստանի Դաշնությունում ԱՀԿ ներկայացուցիչ Մելիտա Վույնովիչը ՌԻԱ Նովոստիին ասել էր, որ եվրոպական տարածաշրջանում, այդ թվում՝ Ռուսաստանում, բարձր է համարվում կապիկի ծաղիկի վտանգը մի շարք նոր երկրներում բռնկման պատճառով։ Վերջին շրջանում աշխարհի 51 երկրում այս հիվանդության ավելի քան 5,1 հազար դեպք է հայտնաբերվել, մինչդեռ մասնագետների համար վարակի տարածման ուղիներն ամբողջությամբ պարզ չեն։
