Տեսանյութ.Սահմանի բացելվուց հետո Հայաստանը փակուղուց կդառնա խաչմերուկ. շատ մեծ տնտեսական էֆեկտներ կունենանք
Բարձր տնտեսական աճի արդյունքները կառավարությունը պետք է բաշխի այնպես, որ աղքատությունը նվազի: Այս մասին այսօր՝ հուլիսի 7-ին, կառավարության նիստից հետո՝ լրագրողների հետ զրույցում ասաց նախարար Վահան Քերոբյանը:«Բարձր տնտեսական աճը պետք է ուղղված լինի այն բանին, որ բնակիչներն ապրեն ավելի լավ: Իսկ այսօր սննդամթերքի գնի բարձրացման պատճառով մենք կանգնած ենք աղքատության թվի մեծացման շեմին: Դրա համար կառավարությունն ունի ռազմավարություն: Մյուս տարվանից բարձրանալու է նվազագույն աշխատավարձը, եւ նոր աշխատատեղեր են ստեղծվում: Վերջին մեկ տարվա ընթացքում 40 հազար նոր աշխատատեղ է ստեղծել: Սա է մեր գործողությունը՝ ստեղծել նոր աշխատատեղեր եւ բարձրացնել խոցելի խավերի եկամուտները: Կենտրոնական բանկն էլ պայքարում է գնաճի դեմ, եւ պետք է արձանագրել, որ մենք ունենք տարաշրջանում ամենացածր գնաճը»,- նշեց Քերոբյանը:
Հարցին, թե կա՞ն հաշվարկներ, թե ինչ օգուտներ է ունենալու Հայաստանը, նա պատասխանել է, որ Հայաստանը փակուղուց վերածվելու է խաչմերուկի։
«Պատկերավոր ասած՝ պետք է համեմատենք փակուղին խաչմերուկի հետ։ Այսինքն՝ որտե՞ղ անշարժ գույքն ավելի թանկ արժե՝ խաչմերուկի վրա, թե՞ փակուղու վերջում։ Հիմա մենք ըստ էության Հայաստանը փակուղուց դարձնում ենք խաչմերուկ, և, բնականաբար, սրա արդյունքում կունենանք շատ մեծ էֆեկտներ բոլոր առումներով՝ թե տնտեսական, թե տրանզիտային»,- ասել է նա։
