Շատ երկրներ հասկանում են, որ դոլարն անվստահելի է․դոլարի «քմահաճ պահվածքը» կզգան գրեթե բոլորը
Ռուսաստանի արտաքին գործերի նախարար Սերգեյ Լավրովը հայտարարել է, որ ավելի շատ երկրներ սկսում են հասկանալ, որ ԱՄՆ դոլարը հուսալի արժույթ չէ։ Այս մասին հայտնում է ՏԱՍՍ լրատվական գործակալությունը։ Գրում է Gazeta.ru-ն։ՌԴ ԱԳՆ ղեկավարը Ադիս Աբեբայում հավատարմագրված դիվանագիտական կորպուսի ներկայացուցիչների առջեւ ելույթի ժամանակ գնահատել է դոլարի հետ կապված իրավիճակը։
«Չլինելով դրամավարկային հարցերով փորձագետ, կարող եմ ասել, որ շատ պետություններ ակնհայտ զգացողություններ ունեն, որ դոլարն անվստահելի է...»,- հավելել է Լավրովը։
Նրա խոսքով՝ տեսանելի ապագայում դոլարի «քմահաճ պահվածքը» կզգան գրեթե բոլորը։
Երեքշաբթի՝ հուլիսի 26-ին, հայտնի դարձավ, որ Մոսկվայի բորսայում դոլարի փոխարժեքը բարձրացել է 60 ռուբլուց՝ հուլիսի 11-ից հետո առաջին անգամ։ Նույն օրը Ռուսաստանի Բանկը հուլիսի 27-ին դոլարի փոխարժեքը բարձրացրել է մինչև 58,66 ռուբլի։
Բացի այդ, Կենտրոնական բանկի ղեկավար Էլվիրա Նաբիուլինան ասել է, որ սեպտեմբերին կերկարաձգվեն կանխիկ արժույթի թողարկման սահմանափակումները։
