Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից. «Ժողովուրդ»          Սա մեր՝ որպես ազգ և պետություն, անսահման խայտառակության ու ամոթի դարաշրջանն է, անարժանապատվության մղձավանջը       Մարտի 19-ին և 20-ին կդադարեցվի բազմաթիվ հասցեների էլեկտրամատակարարումը    

10 օգոս 2022 13:37

Ի՞նչ ես արել, որ «Մարտական խաչ» ես ստացել,տղերքն են կռվել, խի՞ ես թողել տղերքին վերևը, որ զոհվեն․ զոհվածի հայրը՝ Քյարամյանի մասին

«Վաշտի հրամանատարը՝ Վահանյան Սուրենը հոկտեմբերի 27-ին զոհվել է , դրանից հետո երեք օր տղաները մնացել են առանց հրամանատար, ոչ մի օգնություն չի գնացել իրենց, փուլ-փուլ տղերքը զոհվել են ու ինչո՞ւ, ով պիտի պատասխան տա դրա համար»,- ՊՆ-ի մոտ բողոքի ակցիայի ժամանակ ասաց զոհված զինծառայողի ծնողը։

Հարցին, թե գումարտակի հրամանատարը՝ Պավլիկ Քյարամայանը, տեղյակ եղել է իրավիճակին, տղամարդը պատասխանեց․ «Բա գումարտակի հրամանատարը որ տեղյակ չլիներ, ո՞վ էր տեղյակ լինելու։ Ինքը ասում է՝ օգնության եմ ուղարկել ինչ-որ մարդկանց։ Եթե տեղ չեն հասել , խի՞ ես թողել տղերքին վերևը, որ զոհվեն»,- նկատեց նա։

«Պավլիկ Քյարամյանի վրա քրեական գործ են հարուցել ու ոչ մի բան, առերեսում չի եղել, մենք պահանջում ենք՝ գա, մեր՝ ծնողների դեմ կանգնի ու պատասխանի հարցերին»,- նշեց նա։

«Լսել ենք, որ «Մարտական խաչ» առաջին աստիճանի շքանշան է ստացել, բայց՝ ինչո՞ւ, դա էլ է մեզ անհայտ։ Մենք ուզում ենք իրեն հարցնենք՝ խի՞ ես դու ստացել, դու ինչ ես արել, որ ստացել ես, տղերքն են կռվել, սաղիս էլ զայրացրել է, բա տղերքն իրանց կյանքի գնով պահել են բարձունքը, դու 17 կմ հետ ես եղել»,- ասաց նա։

Հիշեցնենք, որ զոհված զինծառայողների ծնողները բողոքի ակցիա են իրականացնում ՊՆ շենքի առջև։ Նրանք պահանջում են հանդիպել հրամանատար Պավլիկ Քյարամյանի հետ, որին մեղադրում են իրենց որդիների զոհվելու մեջ։

Մեկնաբանություններ


Համընկնող լուրեր