Ապոկալիպսիս Եվրոպայում՝ ռեկորդային շոգի պատճառով
Եվրոպայում ռեկորդային շոգի պատճառով սկսվել են համատարած անտառային հրդեհներ, որոնք մասնագետները համեմատում են ապոկալիպսիսի հետ: Բնական աղետների մասին, որոնք պատել են գրեթե ողջ Եվրոպան, հայտնում է Daily Mail-ը:Ֆրանսիայի իշխանությունները ստիպված են եղել ներգրավել այլ երկրների փորձագետների՝ հրդեհները մարելու համար։ Ժիրոնդի դեպարտամենտում բռնկված հրդեհը մարելուն այս պահին օգնում են փրկարարներ Գերմանիայից, Լեհաստանից, Ռումինիայից և Իտալիայից։ 2022 թվականին Ֆրանսիայում այրվել է ավելի քան 60,000 հեկտար, ինչը վեց անգամ ավելի է, քան 2006-2021 թվականների միջին ցուցանիշը`ըստ Եվրոպական անտառային հրդեհների տեղեկատվական համակարգի: Ժիրոնդում ջերմաստիճանը կարող է հասնել 40 աստիճան Ցելսիուսի:
Շվեյցարիայում անոմալ շոգի պատճառով երկու հազար տարի սառույցով պատված լեռնանցքում հալոցք է սկսվել: Իտալիան նույնպես ապրում է իր ամենավատ երաշտը վերջին յոթ տասնամյակի ընթացքում: Օդրա գետում, որը հոսում է Չեխիայով, Լեհաստանով և Գերմանիայով, մի քանի տոննա ձուկ է սատկել: Տեղի բնակիչներին արգելվել է լողալ ջրամբարում, իսկ լեհական բանակը ներգրավվել է սատկած ձկների դեմ պայքարում։ Հռենոս գետում ջրի մակարդակը զգալիորեն իջել է, ինչը խաթարել է տրանսպորտային հաղորդակցությունը և բարդացրել ածխի և բենզինի մատակարարումը։
