Տեսանյութ.Մոտոցիկլետը բախվել է էլեկտրալարերին․ մոտ 400 հազար տուն մնացել է առանց էլեկտրականության          Կենդանակերպի 6 նշաններ որոնց հնարավոր չէ հնազանդեցնել       Տարադրամի շուկայում ինչ փոխարժեքներ են սահմանվել հուլիսի 24-ի համար    

20 օգոս 2022 13:46

Նորից անցում դիմակների՞ն

Առողջապահության համաշխարհային կազմակերպությունը (ԱՀԿ) խորհուրդ է տալիս մեծացնել բնակչության պատվաստումների ծածկույթը, ինչպես նաև խրախուսել դիմակների կրելը  հասարակական վայրերում՝ այս աշնանը և ձմռանը կորոնավիրուսի «Օմիկրոն» շտամից մարդկանց պաշտպանելու համար։ «Ռիա Նովոստի»-ին հայտնել են կազմակերպության եվրոպական բյուրոյում։


«Համաճարակաբանական իրավիճակը տարբեր է երկրից երկիր, և որպես ձմռանն ու աշնանը նախապատրաստվելու մաս՝ ԱՀԿ-ն կոչ է անում երկրներին վերսկսել ջանքերը՝ մեղմելու վարակի տարածումն ու պատրաստ լինել արձագանքել առողջապահության իրենց համակարգերի վրա աճող ծանրաբեռնվածությանը»,- ասվում է մեկնաբանության մեջ:


Փորձագետների խոսքով՝ մարդկանց պաշտպանելու համար այս աշնանը և ձմռանը կարևոր նշանակություն կունենա պատվաստվածների թվի ավելացումը։


ԱՀԿ-ն ընդգծել է, որ մարդիկ պետք է դիմակ կրեն փակ տարածքներում և հասարակական տրանսպորտում, իսկ մարդաշատ վայրերում օդափոխությունը պետք է ապահովվի։ Բացի այդ, կազմակերպության փորձագետները կարևոր են համարում «խիստ թերապևտիկ արձանագրությունների կիրառումը ծանր հիվանդության վտանգի տակ գտնվող մարդկանց համար»։


Մեկնաբանություններ


Համընկնող լուրեր