Էրդողանը սպառնացել է ՀՀ-ին ՝մշտապես ագրեսիվ կեցվածք ցուցաբերող և համաձայնագրի պայմանները չկատարող Հայաստանի համար նման դիրքորոշումն հետևանքներ կունենա
Թուրքիայի նախագահ Ռեջեփ Թայիփ էրդողանն անդրադարձել է հայ-ադրբեջանական սահմանին տիրող իրավիճակին: Այս մասին տեղեկացնում է ermenihaber.am-ը։«Ադրբեջանի հաղթանակով ավարտված պատերազմից հետո ձեռք բերված համաձայնագիրը խախտելու արդյունքում ստեղծված իրավիճակը մենք համարում ենք անընդունելի»,- ասել է Էրդողանը:
Ըստ նրա՝ Անկարան ցանկանում է, որ Հայաստանը ժամ առաջ հետ կանգնի «սխալ ճանապարհից» և, «իր ժամանակն ու էներգիան ծախսի խաղաղությունն ամրապնդելու ուղղությամբ»:
Թուրքիայի ղեկավարը Հայաստանին մեղադրել է նոյեմբերի 9-ի փաստաթղթի դրույթները չկատարելու մեջ:
«Մշտապես ագրեսիվ կեցվածք ցուցաբերող և համաձայնագրի պայմանները չկատարող Հայաստանի համար նման դիրքորոշումն իհարկե հետևանքներ կունենա»,- սպառնացել է Էրդողանը:
