Հայաստանից Արցախ էլեկտրամատակարարման գծի մի մասն անցնում է Ադրբեջանի վերահսկողության տակ գտնվող տարածքով
![](https://www.7or.am/images/news/big/2022/12/1671130740_4.jpg)
Հայտնում են ԱՀ տարածքային կառավարման և ենթակառուցվածքների նախարարությունից։
44֊օրյա պատերազմի արդյունքում տվյալ գծի մի զգալի մասը անցնում է Ադրբեջանի վերահսկողության տակ գտնվող տարածքով, ինչը խոչնդոտում է գծի լիարժեք սպասարկմանը և, բնականաբար, պարունակում է համապատասխան ռիսկեր՝ ցանկացած վթար կարող է անդրադառնալ էներգամատակարարման համակարգի վրա: Իսկ եթե դա տեղի ունենա, ապա Հանրապետության էլեկտրաէներգետիկական համակարգում կառաջանա հզորության դեֆիցիտ և ստիպված կլինենք անցնել հովհարային անջատումների:
Պայմանավորված գազամատակարարման դադարեցմամբ, ինչպես նաև ներկա ջեռուցման ժամանակաշրջանից, կտրուկ բարձրացել է օդային գծերի ծանրաբեռնվածության աստիճանը: Հետագայում վթարային անջատումներից խուսափելու համար բնակչությունը պետք է հնարավորինս խնայողաբար օգտագործի էլեկտրական էներգիան, ինչի համար անհրաժեշտ է.
▪️ բոլոր շիկացման լամպերը փոխարինել ԼԵԴ լամպերով,
▪️ լրացուցիչ միջոցներ ձեռնարկել բնակելի տների ջերմամեկուսացման ուղղությամբ,
▪️ ջեռուցիչները միացնել ավելի ցածր ջերմաստիճանի վրա,
▪️տնից դուրս գալիս անջատել վարդակից բոլոր սարքերը: