Դադարեցնել անվայել և պախարակելի գործելաոճը․ Մայր Աթոռը՝ իշխանությունների կողմից Բագրատ Սրբազանի դեմ արշավի վերաբերյալ          Տեսանյութ.Շիրակցիները փակել են Բավրայի անցակետ տանող ճանապարհը.խնդիրը տավուշցիներինը չի, սա հայկական խնդիր է       Կա թե ներքին ճնշում՝ հասարակության վրա, թե ճնշում՝ թշնամու կողմից. Տավուշը միայն Տավուշ չէ, սա վերաբերում է ՀՀ-ին՝ թե՛ մայրաքաղաքին, թե՛ մնացած հատվածներին    

31 հուն 2023 16:15

Տեսանյութ․Իրավիճակը շատ բարդ ու փակուղային է, Արցախը աղետի մեջ է․ ՌԴ-ի ավելի արդյունավետ քայլերը, և Արեւմուտքի ավելի կոշտ ու հասցեական դիրքորոշումը

Շատ կարեւոր է հասկանալ իրավիճակի լրջությունը եւ կրկնապատկել ջանքերը, Արցախը աղետի մեջ է, իրավիճակը շատ բարդ է։ Այս մասին NEWS.am-ի թղթակցի հետ զրույցում ասաց Լեռնային Ղարաբաղի Ազգային ժողովի «Ազատ հայրենիք» խմբակցության պատգամավոր Արամ Հարությունյանը։


Նա իրավիճակը փակուղային անվանեց։


Պատգամավորը պարզաբանեց, որ այս պահին Ադրբեջանի հետ բանակցություններ չկան, թեեւ Բաքուն փորձում է հավաստիացնել, որ դրանք անցկացվում են։


«Ժամանակ առ ժամանակ շփումներ են լինում տեխնիկական հարցերի շուրջ, օրինակ՝ գազամատակարարումը վերականգնելու համար։ Բայց Ադրբեջանը անընդհատ նոր պահանջներ է ներկայացնում, որոնք կապ չունեն բնապահպանական պատճառների հետ։ Բաքվի հիմնական նպատակը Արցախի նկատմամբ վերահսկողություն հաստատելն է։ Դա անհնար է, քանի որ դա հակասում է մեր գոյության շահերին»,- հավելեց Արամ Հարությունյանը։


Նա կարծում է, որ բոլոր հարցերը պետք է լուծվեն դիվանագիտական ​​հարթակում։


Որպես դիվանագիտական ​​մեթոդներ պատգամավորը նշեց նաեւ Ռուսաստանի ավելի արդյունավետ քայլերը, Արեւմուտքի ավելի կոշտ ու հասցեական դիրքորոշումը։


«Մենք տեսնում ենք, որ բոլոր կողմերից Ադրբեջանի հասցեին քննադատություն եւ Լաչինի միջանցքի ապաշրջափակման պահանջներ են հնչում։ Սակայն այդ հայտարարությունները պարտադիր բնույթ չեն կրում: Ադրբեջանը ցանկանում է Արցախի տարածքը ստանալ առանց ժողովրդի։ Ալիեւը խոստովանել է, որ այս ակցիայի նպատակը հայերին Արցախից վտարելն է, Արցախի ժողովրդի դիմադրությունը կոտրելը»,- եզրափակեց նա։


Մեկնաբանություններ


Համընկնող լուրեր