Հայաստանը պետք է խուսափի անցյալի սխալներից և խաղաղություն հաստատի խիզախների հետ, պետք է դադարի հույսը դնել երազանքների ու երևակայությունների վրա
Ադրբեջանի ԱԳՆ խոսնակ Այխան Հաջիզադեն թվիթերյան գրառում է կատարել ու նոր սպառնալիքներ հնչեցրել Հայաստանի հասցեին։ «Հայաստանը պետք է խուսափի անցյալի սխալներից և խաղաղություն հաստատի խիզախների հետ։ Ժամանակը էական է: Իրականության վրա հիմնված ողջախոհ քաղաքականությունը դեռ կարող է կանխել նոր ողբերգությունները։ Երևանը պետք է դադարի հույսը դնել երազանքների ու երևակայությունների վրա ու գործ ունենա ծանր փաստերի հետ»,-գրել է Հաջիզադեն։
Հավելենք, որ Ադրբեջանի իշխանությունները արդեն 52-օրն է շարունակում են փակ պահել Լաչինի միջանցքն ու հումանիտար ճգնաժամը խորացնել Արցախում։
