Ավերիչ երկրաշարժից ժամեր անց թուրքական բանակը հարձակվել է երկրաշարժից տուժած սիրիական Թալ Ռըֆաաթ շրջանի վրա
Քրդական «Աֆրինի ազատագրման ուժերը» երեկ երեկոյան հաստատել են, որ երկրաշարժից տուժած Թալ Ռըֆաաթ շրջանը ենթարկվել է թուրքական բանակի դաժան հարձակմանը Թուրքիայի հարավային և Սիրիայի հյուսիային զգալի հատվածներում ավերիչ երկրաշարժից ժամեր անց. հայտնում է քրդական Hawar գործակալությունը:Աֆրինի ազատագրման ուժերը գրավոր հայտարարություն են տարածել, որում ասվում է, որ երկուշաբթի կեսգիշերից հետո թուրք օկուպանտները հարձակվել են Շահբա կանտոնի Թալ Ռիֆաթ շրջանի վրա` հերքելով թուրքական կողմի նմանատիպ մեղադրանքները:
Թուրքերը նշում էին, որ «Ժողովրդական ինքնապաշտպանության ստորաբաժանումները (YPG) ծանր զինատեսակներով հարձակվել են Ազազ քաղաքի թուրքական հենակետերից մեկի վրա, որը կոչվում է Օնգոպնար բազա». «Մենք էլ մեր հերթին հայտնում ենք, որ Թալ Ռըֆաաթ շրջանում YPG չկա», - նշել է նա:
