Կենդանակերպի նշաններ, որոնք պատրաստ են սիրել ամբողջ կյանքում          Մարտի 20-22-ը սպասվում է G2 կատեգորիայի գեոմագնիսական փոթորիկ.արձանագրվել է արեգակի բռնկում       ՆԱՏՕ - ն և Ադրբեջանը համագործակցության նոր փաստաթուղթ են պատրաստում    

10 փետ 2023 14:37

Հազարավոր սիրիացիներ ցանկություն են հայտնել որդեգրել երկրաշարժի փլատակներում լույս աշխարհ եկած նորածնին

Սիրիացի աղջիկը, որին մայրը լույս աշխարհ է բերել օրերս տեղի ունեցած ավերիչ երկրաշարժի հետևանքով առաջացած փլատակներում գտնվելու ժամանակ, այժմ անուն ունի:


Ինչպես գրում է Daily Mail-ը, նրան անվանակոչել են Այա, ինչն արաբերեն նշանակում է «հրաշք». պարբերականը նկատում է, որ սա հարմար անուն է նորածնի համար, որը լույս աշխարհ է եկել նման դաժան պայմաններում և, ի տարբերություն մորը, հաջողացրել է ողջ մնալ: 


Անունը նրան շնորհել է բժիշկ Խալիդ Աթիահը՝ Սիրիայի Հալեպ քաղաքի Աֆրինի մանկական հիվանդանոցի ղեկավարը:


Այան մեկն է այն մեծ թվով որբերից, որոնք մնացել են երկուշաբթի տեղի ունեցած 7,8 մագնիտուդով երկրաշարժի հետևանքով: Շատ դեպքերում որբ երեխաներին վերցնում են հազարատները, պատմել են բժիշկներն ու փորձագետները։ Բայց շատ դեպքերում ողջ մնացած հարազատները ստիպված են գործ ունենալ նաև երկրաշարժի հետևանքով առաջացած խնդիրների հետ:


Նորածին Այայի դեպքում հիվանդանոցից դուրս գրվելուց հետո նրան կվերցնի հոր հորեղբայրը՝ Սալահ ալ Բադրանը: Սակայն հազարավոր մարդիկ առաջարկել են որդեգրել աղջկան:


«Ես հիմա թույլ չեմ տա որևէ մեկին որդեգրել նրան: Քանի դեռ նրա հեռու բարեկամները չեն եկել, ես նրան վերաբերվում եմ հարազատիս պես», - AP-ին ասել է Աթիահը։


Առայժմ նրա կինը սեփական երեխայի հետ մեկտեղ կրծքով կերակրում է նաև Այային:



Մեկնաբանություններ


Համընկնող լուրեր