Տեսանյութ.Պայթյուն է տեղի ունեցել Բաթումիի ափամերձ տարածքում՝ ծովում. Դեպքի վայր են ժամանել սակրավորներ
Պայթյուն է տեղի ունեցել Բաթումիի ափամերձ տարածքում՝ ծովում։ Sputnik Грузия -ի հաղորդմամբ՝ Վրաստանի ՆԳՆ-ն քննություն է սկսել պայթյունի դեպքի առթիվ։Մամուլի վարկածի համաձայն՝ պայթել է ծովային ական՝ ափից մոտ 25-30 մետր հեռավորության վրա։
«Տեղեկատվությունն ստանալուց անմիջապես հետո՝ դեպքի վայր են ժամանել ներքին գործերի նախարարության համապատասխան ստորաբաժանումների աշխատակիցները, նրանց թվում հրշեջ-փրկարարները, պարեկներն ու քրեական ոստիկանության ներկայացուցիչները։ Դեպքի վայրում են գտնվում նաեւ սակրավորներ»,- նշվում է Վրաստանի ՆԳՆ-ի հայտարարության մեջ՝ վստահեցնելով, որ ձեռնարկվում են անհրաժեշտ միջոցառումներ։
Դեպքի ականատեսները տեսանյութեր են հրապարակել։
