Որպես նույն Աստծո զավակներ, ամեն ինչ մի կողմ դրեցիք, ձեռք մեկնեցիք. Առանձին-առանձին մենք մի կաթիլ ենք, միասին՝ օվկիանոս.Սերդար Քըլըչը ՝ Ռուբինյանին
ԱԺ փոխնախագահի պաշտոնը զբաղեցնող Ռուբեն Ռուբինյանը, որը հայ-թուրքական հարաբերությունների կարգավորման համար Հայաստանի բանագնացն է, հայտարարել է, որ Թուրքիա ուղարկված հայ փրկարարներն Ադըյաման քաղաքում երկու կնոջ են փրկել թուրք ու ամերիկացի փրկարարների հետ։Թվիթերի իր միկրոբլոգում նա հպարտություն է հայտնել։
Թուրքիայի բանագնաց Սերդար Քըլըչն էլ կիսել է Ռուբինյանի գրառումն ու նշել.
«Առանձին-առանձին մենք մի կաթիլ ենք: Միասին օվկիանոս ենք»: Սա այն օրն է, երբ մենք բոլորս մի կողմ դրեցինք մեր էթնիկ պատկանելությունը, ազգությունն ու կրոնը և որոշեցինք շարունակել ցուցաբերել մարդասիրության և մարդկայինի հանդեպ համերաշխության ամենաբարձր մակարդակ՝ որպես նույն Աստծո զավակներ։ Աստված օրհնի ձեզ բոլորիդ»։
