Թուրք օդերեւութաբանները զգուշացնում են ձնահյուսի վտանգի մասին. TRT Haber
Թուրք օդերեւութաբանները նախազգուշացրել են Սեւ ծովի արեւելյան ներքին շրջաններում եւ Արեւելյան Անատոլիայի բարձրադիր շրջաններում ձնահյուսի վտանգի մասին, հայտնում է TRT Haber հեռուստաալիքը։Հեռուստաալիքի տվյալներով՝ ձնահյուսի վտանգի պատճառով տեղացի բնակիչներին հորդորում են զգույշ լինել։
Նշվում է, որ Թուրքիայի որոշ շրջաններում առատ տեղումների պատճառով բարձր ձնածածկ է գոյացել։
«Թուրքիայի հյուսիս-արեւելյան եւ արեւելյան հատվածներում կան լեռնային շրջաններ՝ տեղագրական եւ օդերեւութաբանական պայմաններով, որոնք հարմար են ձնահյուսի համար»,- նշվում է հաղորդագրությունում։
