Տեսանյութ.Այնքան են զիջել, թշնամուն ընդառաջ գնացել, ինչ-որ գործարքներ արել,այսօրվա իշխանությունն իմպոտենտ է
Այսօրվա իշխանությունն իմպոտենտ է։ Այս մասին «Կանայք հանուն հանրային համերաշխության» թեմայով քննարկման ժամանակ ասաց ՀՀ ԱԺ նախկին պատգամավոր, երգչուհի Շուշան Պետրոսյանը։«Ամենաթողություն է իշխանության կողմից։ Այնքան են էժանացրել, զիջել, գնացել ընդառաջ թշնամուն ինչ-որ գործարքներ են արել իրար մեջ, որը հարիր չէ պետականամետ մարդուն։ Պարզ է, որ այսօրվա իշխանության մեջ որևէ պետականամետ մարդ չկա։ Հայրենիքի զգացում չունեցող մարդու համար այնքան հեշտ է զիջելը, կորցնելը, իսկ դա ողբերգություն է»,- ասաց նա։
Նախկին պատգամավորի խոսքով՝ սա հասարակության, ընդդիմության, ոչ գիտակից և գիտակից ժողովրդի անտարբերությունն է․
«Այնպես աշխատվեց այն կողմից, որ բթավեց բոլոր զգացմունքները, որ կորուստը դարձել է օրինաչափություն, ոչ միայն մարդկային կորուստներ ունենք, որը սարսափելի է, այլև տարածքներ ենք կորցնում, և այնքան է բթացել ռեակցիա տալու այդ բնազդը չգիտես անգիտակցին ինչպես մեղադրես։ Նրանք սպանել են բոլոր զգացողությունները, որոնք կապված են հայրենիքի, հայ լինելու, հայ տեսակի, պետականամետ տեսակի մասին»,- ասաց նա։
Մշակութային գործիչը նշեց, որ չգիտի՝ ինչ անել․
«Սա ոչ միայն համահայկական դրամա է, ողբերգություն է, այլ սա իմ անձնական դրաման է։ Արահետն էլ փակվեց, և սրանք անմարդկային դիրքորոշումը, որ վերցրել են, ինձ համար անհասականալի է ուղղակի»,- ասաց նա։
Ըստ նրա՝ հիմա նաև սարսափելի տենդենց կա. «Ասում է՝ քաղաքականությամբ չեմ զբաղվում. շա՛ն որդի, դու նախևառաջ՝ քաղաքացի ես, և քաղաքացին պետք է ունենա կարծիք: Իմ բոլոր թեմաներն Արցախի շուրջ են: Ուղղակի չգիտեմ՝ ինչ անել: Արահետն էլ փակվեց, և սրանց անհաղորդ, անմարդկային դիրքորոշումը որ վերցրել են՝ ուղղակի ինձ համար անհասկանալի է: Կարևորագույն հարցն Արցախն է, որը մեր ողնաշարն է, և որից մեկ ող է մնացել»,- նշեց Շուշան Պետրոսյանը:
