Իրան-Թուրքիա սահմանային գոտում գրանցված երկրաշարժը զգացվել է Երևաում ու Արարատում
Սույն թվականի ապրիլի 11-ին, տեղական ժամանակով ժամը՝ 14:31-ին (Գրինվիչի ժամանակով ժամը՝ 10:31-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39.45⁰ և արևելյան երկայնության 44.49⁰ աշխարհագրական կոորդինատներով Իրան-Թուրքիա սահմանային գոտի՝ Մակու քաղաքից 7 կմ հյուսիս-արևելք, օջախի 10 կմ խորությամբ, 4.3 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:ՀՀ փրկարար ծառայության հաղորդմամբ, երկրաշարժը զգացվել է Երևան քաղաքում՝ 2 բալ և Արարատի մարզում՝ 3 բալ ուժգնությամբ։
