Ռուսների կողմից ուկրաինացի գերու գլխատման կադրերը սարսափեցրել են Պեսկովին. Եթե կադրերն իրական են, սարսափելի է
ՌԴ նախագահի մամուլի քարտուղար Դմիտրի Պեսկովը մեկնաբանել է սոցցանցերում հայտնված տեսանյութը, որտեղ ռուս զինվորները ենթադրաբար գլխատում են ուկրաինացի ռազմագերուն։Կրեմլի ներկայացուցիչն այդ դաժան տեսարանը պատկերող կադրերն անվանել է սարսափելի, սակայն կասկած է հայտնել դրանց իսկության մասին։
Պեսկովը նշել է, որ այս տեսանյութը կարող է ստուգման պատճառ դառնալ։
«Նախ, դեռ պետք է ստուգել այս սարսափելի կադրերի իսկությունը: Իհարկե, դրանք սարսափելի կադրեր են»,- ընդգծել է նա։
Ավելի վաղ համացանցում տեսանյութ էր հայտնվել, որտեղ երևում է, թե ինչպես են ռուսները խոշտանգում ուկրաինացի գերուն և գլխատում նրան։
