«Ջրից այն կողմ գտնվող որոշ ուժեր անհանգիստ են». թուրքական նոր կործանիչի մասին լուրին անդրադարձել են նաև հունական, ադրբեջանական և միջազգային մամուլը

Կործանիչի մասին լուրին անդրադարձել են նաև հունական, ադրբեջանական և միջազգային մամուլը։ Ավելի վաղ Թուրքիայի նախագահ ռեջեփ Թայիփ Էրդողանն ասել էր, որ ինքնաթիռի անունը տրվել է Թուրքիայի «Ազգայնական շարժում» կուսակցության ղեկավար և իշխող «Ժողովուրդ դաշինքի» անդամ Դևլեթ Բահչելիի առաջարկով։
Նախատեսվում է, որ այս ինքնաթիռները կփոխարինեն F-16 կործանիչներին և մոտ ապագայում կվաճառվի նաև այլ երկրների։
Ուշագրավ է, որ ներկայացման արարողությանը Էրդողանը նկատի ունենալով Հունաստանին, նշել էր.
«Ջրից այն կողմ գտնվող որոշ ուժեր անհանգիստ են»:
Թուրքական աղբյուրը հաղորդում է, որ ինքաթիռի առաջին թռիչքը կիրականացվի 2023թ.-ին:
Նշենք, որ Թուրքիան տեղական արտադրության հինգերորդ սերնդի TF-X ինքնաթիռի կառուցման մասին առաջին անգամ հայտարարել էր 2011 թվականին։ Կործանիչի ստեղծման ուղղությամբ համատեղ աշխատել են բրիտանական BAE-ն ու «Թուրքական ավիաշինական արդյունաբերություն» ընկերությունը (TAI)։ Կործանիչի առաջին թռիչքն, ըստ TAI ընկերության տնօրեն Թեմել Քոթիլի՝ նախատեսվում է 2025թ.։
TF-X կործանիչի մարտավարատեխնիկական բնութագիրը, ըստ TAI ընկերության պաշտոնական կայքի՝
Առավելագույն բարձրությունը՝ ~16,8 կմ,
Առավելագույն արագությունը՝ 2 մախ (~2470 կմ/ժ),
Գործողության շառավիղը՝ ~1000 կմ,
Առավելագույն թռիչքային զանգվածը՝ ~27200 կգ,
Երկարությունը՝ 19 մ,