Այս երեքը և նրանց ընտանիքի անդամները բժշկական օգնություն կստանան անվճար
![](https://www.pastinfo.am/news_images/527/1579612_1/f6465d6ece78a4_6465d6ece78eb.thumb.jpg)
«Հայաստանի Հանրապետության նախագահի, վարչապետի, Ազգային ժողովի նախագահի եվ նրանց ընտանիքի անդամների համար պետության կողմից երաշխավորված անվճար և արտոնյալ պայմաններով բժշկական օգնության ու սպասարկման կազմակերպման և ֆինանսավորման մասին» որոշման մշակմանը, ըստ հիմնավորման, մասնակցել են Առողջապահության նախարարության ստորաբաժանումների աշխատակիցները:
Հիմնավորման մեջ նաև նշվում է, թե իրավական ակտի ընդունումը հնարավորություն կտա կանոնակարգել պետության կողմից երշխավորված անվճար և արտոնյալ պայմաններով Հայաստանի Հանրապետության նախագահի և նրա ընտանիքի անդամների (ամուսին, ծնող), Հայաստանի Հանրապետության վարչապետի և նրա ընտանիքի անդամների (ամուսին, ծնող) և Հայաստանի Հանրապետության Ազգային ժողովի նախագահի և նրա ընտանիքի անդամների (ամուսին, ծնող) բժշկական օգնությունը և սպասարկումը։