Երևանում կրակել են Դավթաշենի ղեկավարի տեղակալի վրա, վերջինս տեղափոխվել է հիվանդանոց
Երեւանում, այսօր՝ մայիսի 19-ին, կրակոցներ են հնչել. ժամը 9։20-ի սահմաններում ՀՀ Ներքին գործերի նախարարության Ոստիկանության Մաշտոցի բաժին ահազանգ է ստացվել, որ Բաշինջաղյան 166 տան դիմաց կրակոցներ են հնչել։Shamshyan.com-ի հաղորդմամբ, ոստիկանները դեպքի վայրում հայտաբերել են ինքնաձիգից արձակված 2 պարկուճ։ Նրանք սահմանազատել են տարածքը։
Դեպքի վայրից 1 հոգի հրազենային վնասվածքներով տեղափոխվել է «Արմենիա» բժշկական կենտրոն։
Վիրավորը Դավիթաշեն վարչական շրջանի ղեկավարի տեղակալ Կորյուն Առաքելյանն է։
Դեպքի փաստով ստեղծվել է քննչական խումբ, և նախաձեռնվել է քրեական վարույթ։
