Ադրբեջանի ԱԳՆ-ն քաղաքացիներից պահանջել է չգնալ Իրան
![](https://factor.am/wp-content/uploads/2022/11/%D5%A1%D5%A6%D5%A5%D6%80%D5%AB-%D4%B1%D4%B3%D5%86-1536x1024.jpg)
«Հաշվի առնելով ահաբեկչական գործողությունը, որը կատարվել է ընթացիկ տարվա հունվարին Իրանում Ադրբեջանի դեսպանության դեմ, որի հետեւանքով սահմանափակվել է Իրանում Ադրբեջանի դիվանագիտական ներկայացուցչությունը, Ադրբեջանի քաղաքացիներին խորհուրդ է տրվում չայցելել Իրան, իսկ այդ երկիր մուտք գործողները պետք է զգոն լինեն։ Ներկա պահին Իրանում գտնվող Ադրբեջանի քաղաքացիները պարտավոր են հետեւել պահպանության եւ անվտանգության կանոններին»,- ավելացրել են գերատեսչությունում։
Իրանում հյուպատոսական եւ այլ դիմումների համար ԱԳՆ-ն խնդրում է կապվել Թավրիզում Ադրբեջանի Հանրապետության գլխավոր հյուպատոսության հետ։