Ապաշրջափակումը կսկսվի Երասխ-Ջուլֆա-Մեղրի-Հորադիզ երկաթուղուց․ Ադրբեջանում կկիրառվի ադրբեջանական, իսկ ՀՀ-ում՝ հայկական օրենսդրությունը

 

 

 

 

***

Օվերչուկը ՏԱՍՍ-ի հետ հարցազրույցում խոսել է տարածաշրջանի ապաշրջափակման «գործընթացը խոչընդոտելու Արևմուտքի փորձերի մասին»։ «Մենք գիտենք, և դա երևում է Եվրախորհրդի նախագահ Շառլ Միշելի հայտարարություններից, որոնք նա հրապարակում է Ադրբեջանի նախագահի, ՀՀ վարչապետի հետ բանակցություններից հետո, որ այդ հանդիպումներում քննարկվում են տրանսպորտային հաղորդակցությունների ապաշրջափակման խնդիրները։ Միաժամանակ, նշվում է այս հարցում կողմերի ձեռք բերած առաջընթացը։ Ինչպես հասկանում եք, այս առաջընթացը ձեռք է բերվել եռակողմ հարթակում՝ Ռուսաստանի մասնակցությամբ, թեև պարզ է, որ եվրոպացիները չեն նշի այդ մասին»,-ասել է Օվերչուկը։

 

Նա պնդել է, որ բանակցային գործընկերները համաձայն են, որ ՌԴ-ի, Հայաստանի ու Ադրբեջանի ղեկավարների 2020 թ-ի նոյեմբերի 9-ի հայտարարության 9-րդ կետով ստեղծված հարթակն այն վայրն է, որտեղ այսօր ամենամեծ առաջընթացն է գրանցվել և արդյունք է նկատվում։ «Փոխվարչապետերի եռակողմ աշխատանքային խմբի ձևաչափից դուրս գալն ակնհայտ բոլորի համար բացասական հետևանքներ կունենա»,-ասել է ՌԴ փոխվարչապետը։

 

Խոսելով Հայաստանի հետ տնտեսական հարաբերությունների մասին՝ ՌԴ փոխվարչապետն ասել է, որ ՀՀ վարչապետ Նիկոլ Փաշինյանը տարբեր հարթակներում նշել է, որ Ռուսաստանը Հայաստանի հիմնական առևտրային գործընկերն է։ «Մեզ ուրախացնում են մեր դաշնակցի տնտեսական հաջողությունները, որոնք հանդիսանում են  օրինակ ու ապացույց  Ռուսաստանի ղեկավարության կողմից իր հարևաններին առաջարկվող ինտերգրացիոն կուրսի հավատարմության։

 

Նույնիսկ չեմ էլ ուզում մտածել Հայաստանի ու Ռուսաստանի միջև խզման հնարավոր հետևանքների մասին,դրան չափանզանց ակնահայտ են»,-  նշել է Օվերչուկը։