Քաղցկեղի 2 հազվադեպ, բայց չափազանց վտանգավոր տեսակ. որո՞նք են դրանք
Չարորակ ուռուցքների ամենատարածված տեսակներն են՝ թոքերի, ստամոքսի, հաստ աղիքի, կրծքագեղձի և շագանակագեղձի քաղցկեղը, բայց կան քաղցկեղի տեսակներ, որոնք հազվադեպ են զարգանում և կազմում են բոլոր չարորակ նորագոյացությունների 1-3%-ից ոչ ավելին: Նրանք կոչվում են «որբ»: Չնայած այն հանգամանքին, որ այս տեսակի ուռուցքների մասին քիչ է խոսվում, դրանք պակաս վտանգավոր չեն, չնայած այն հանգամանքին, որ դրանք շատ ավելի քիչ են տարածված։
Բժշկական գիտությունների թեկնածու, բժիշկ-ուռուցքաբան Յուլիա Վահաբովան պատմել է քաղցկեղի ամենահազվագյուտ և վտանգավոր տեսակների մասին:
Նրա խոսքով՝ հիվանդության ամենահազվագյուտ ենթատեսակներից մեկը համարվում է փափուկ հյուսվածքների սարկոման։ Այն չարորակ նորագոյացությունների բավականին մեծ խումբ է, որոնք ձևավորվում են շարակցական հյուսվածքի բջիջներից:
Սարկոման կարող է առաջանալ ոսկրային, ճարպային, մկանային հյուսվածքներում, ինչպես նաև արյունատար և ավշային անոթների պատում:
«Չնայած այն հանգամանքին, որ փափուկ հյուսվածքները զբաղեցնում են միջին վիճակագրական մարդու մարմնի քաշի ավելի քան 50%-ը, դրանցում ուռուցքները հազվադեպ են հանդիպում։ Փափուկ հյուսվածքների սարկոմաները կազմում են բոլոր հայտնի օնկոպաթոլոգիաների մոտավորապես 1%-ը: Դրանց զարգացման ստույգ պատճառներն անհայտ են։
Գիտնականները գտնում են, որ դա թունավոր նյութերի և ճառագայթման ազդեցությունն է: Նաև նախատրամադրող գործոններ են այնպիսի հիվանդությունները, ինչպիսիք են նեյրոֆիբրոմատոզը, քրոնիկ լիմֆեդեման և «Գարդներ»-ի համախտանիշը»,- «Գազետա․ռու»-ին ասել է մասնագետը։
Վահաբովան նշել է, որ ուռուցքներն առավել հաճախ հայտնաբերվում են ստորին և վերին վերջույթներում։ Հիվանդները դրանք հայտնաբերում են ինքնուրույն:
Ուռուցքաբանության մեկ այլ հազվագյուտ տեսակն, ըստ բժշկի, ռետինոբլաստոման է՝ աչքի ցանցաթաղանթի ուռուցքը: Այս ախտորոշմամբ հիվանդների մեծ մասը 5 տարեկանից փոքր երեխաներ են:
«Ռետինոբլաստոման վտանգավոր է, քանի որ այն կարող է աչքի խոռոչ, մետաստազներ տալ դեպի ոսկորներ, կենտրոնական նյարդային համակարգ, լյարդ և այլ օրգաններ։ Այս հիվանդությունը մեծ մասամբ փոխանցվում Է գենետիկորեն: Այնուամենայնիվ, ուռուցքը կզարգանա միայն այն դեպքում, եթե երկու ծնողներն էլ երեխային փոխանցեն մուտացիայի ենթարկված RB1 գենը, ինչը չափազանց հազվադեպ է լինում»,- բացատրել է Վահաբովան:
Ուռուցքաբանը նշել է, որ ժամանակակից բժշկությունը հաջողությամբ պայքարում է ռետինոբլաստոմայի դեմ և թույլ է տալիս ազատվել հիվանդությունից և պահպանել երեխայի տեսողությունը։ Իսկ եթե այն չբուժվի, ապա, ըստ նրա, հիվանդությունը կարող է հանգեցնել մահվան մի քանի տարվա ընթացքում:
