Իմպլանտների, պրոթեզների վերջն էլ կգա. ստեղծել են դեղամիջոց, որը թույլ կտա նոր ատամներ աճեցնել
Ճապոնացի գիտնականներն առաջընթացի են հասել նոր դեղամիջոցի ստեղծման գործում, որը թույլ կտա մարդկանց նոր ատամներ աճեցնել։ Այս նոր ձեռքբերումը կարող է հեղափոխական դառնալ ատամնաբուժության ոլորտում եւ լուծել շատ մարդկանց ատամների կորստի խնդիրը։Ճապոնացի հետազոտողները մի շարք փորձեր են կատարել մկների վրա, որոնք ցույց են տվել, որ նոր դեղը կարող է խթանել նոր ատամների աճը։ Նրանք օգտագործել են հատուկ սպիտակուց, որն ակտիվացնում է ատամի էմալի եւ հյուսվածքների ռեգեներացիան։ Փորձերի արդյունքում ցույց է տրվել, որ մկները, ստանալով այդ դեղը, հնարավորություն են ունեցել նոր ատամներ աճեցնել կորցրած ատամների փոխարեն, տեղեկացրել է The GEEK-ը։
Գիտնականները նշել են, որ այս հայտնագործությունը կարող է հսկայական պոտենցիալ ունենալ մարդկանց ատամների խնդիրները բուժելու համար։ Ներկայում միլիոնավոր մարդիկ տառապում են տարբեր պատճառներով ատամների կորստից։ Այդ պատճառներից են կարիեսը, վնասվածքները կամ ծերանալը։ Կորցրած ատամները փոխարինելու գոյություն ունեցող մեթոդները, ինչպիսին են իմպլանտները կամ հանովի պրոթեզները, իրենց սահմանափակումներն ունեն եւ միշտ չէ, որ օպտիմալ լուծում են հանդիսանում։
