Ռուսական զորքերը ավիառումբ են նետել հումանիտար օգնության տրամադրման ժամանակ, կան զոհեր և վիրավորներ
Զապորոժիեի մարզի Օրեխով քաղաքում չորս մարդ է զոհվել ռուսական զորքերի հասցրած հարվածի հետևանքով, հայտնել է մարզային ռազմական վարչակազմի ղեկավար Յուրի Մալաշկոն։Ինչպես գրել է Մալաշկոն Telegram-ում, հումանիտար օգնության տրամադրման ժամանակ բնակելի թաղամասի վրա է նետվել կառավարվող ավիառումբ։ Երեք կին և մեկ տղամարդ տեղում մահացել են, հայտնել է մարզային ռազմական վարչակազմի ղեկավարը՝ ընդգծելով, որ խոսքը ռազմական հանցագործության մասին է։
Մալաշկոյի հաղորդագրության մեջ ասվում է Օրեխովում 11 վիրավորի մասին, սակայն ավելի ուշ Ուկրաինայի գլխավոր դատախազությունը հստակեցրել է, որ հայտնի է 13 վիրավորի մասին:
