Տանգոն միայնակ չեն պարում. սպասենք սեպտեմբերյան բանակցությունների հաջորդ փուլին
Սեպտեմբերին սպասվում է հայ-ադրբեջանական բանակցությունների շուրջ հանդիպում․ այս մասին Հանրային հեռուստաընկերությանը տված հարցազրույցում հայտարարել է ՀՀ Հատուկ հանձնարարություններով դեսպան Էդմոն Մարուքյանը։«Վերջին հանդիպումը եղել է Մոսկվայում, որից հետո սեպտեմբերին նոր հանդիպումներ են սպասվում։ Մի քանի անգամ և վարչապետի, և արտգործնախարարի կողմից հայտարարություններ են արվել, որ Ադրբեջանի կողմից իրականացվող գործողությունները խաթարում են ողջ խաղաղության գործընթացը և տանում են զրոյացման»,- նշել է Մարուքյանը։
Նրա խոսքով՝ Հայաստանը դուրս չի եկել և դուրս չի գալու այդ պրոցեսից․
«Սակայն, ինչպես ասում են, տանգոն միայնակ չեն պարում, այսինքն հակառակ կողմ էլ է պետք»,- նշել է նա։
