Ոստիկանությունը՝ մոր կողմից մանկահասակ աղջիկ երեխայի խոշտանգման դեպքի մասին

Փաստաբան Վարդուհի Սարգսյանը լուսանկար է հրապարակել ու գրել.

«Համացանցում տարածվել է մի տեսանյութ թե ինչպես է սույն ոչնչությունը սեփական մանկահասակ աղջիկ երեխային խոշտանգում՝ տևական ժամանակ ֆիզիկական բռնության ենթարկում, մյուս մանկահասակ երեխաների հետ թքում երեխայի երեսին, մերկացնում և ստիպում որ մյուս մանկահասակ երեխաները միզեն խոշտանգվող երեխայի վրա։

Ակնհայտ է, որ այս անբարոյականը նաև հոգեկան խնդիր ունեցող անձ է։

Իսկ գիտեք քանի՞ նման դեպքեր կան, որ չբացահայտված են։ Ամենամեծ խնդիրը պետական վերահսկողության տոտալ բացակայությունն է հոգեկան խնդիրներ ունեցող անձանց ընտանիքներում մանկահասակ երեխաների առողջ մանկության պահպանության ոլորտում։

Եվ առհասարակ դպրոցներում մանկահասակ երեխաների հետ հոգեբանների պարբերաբար շփումը ես կարծում եմ պարտադիր է»։

***

Երեխայի նկատմամբ բռնության տեսարանով տեսանյութի` համացանցում տարածվելուց անմիջապես հետո Մարդու իրավունքների պաշտպանի աշխատակազմում սկսվել է դեպքի առնչությամբ ուսումնասիրություն։

«Երեխայի լավագույն շահից ելնելով` Պաշտպանը հորդորում է չտարածել սոցիալական ցանցերում հայտնված տեսանյութը՝ զերծ մնալով երեխային նույնականացնող անձնական տվյալները հրապարակելուց։

Պաշտպանը հատուկ ընդգծում է, որ յուրաքանչյուր երեխայի լավագույն շահն առաջնահերթություն է։ Պետությունն ունի պարտավորություն` ձեռնարկելու անհրաժեշտ և բավարար միջոցներ՝ երաշխավորելու երեխայի պաշտպանությունը բռնությունից։

Պաշտպանը գրություններ է հասցեագրելու իրավասու պետական մարմիններին` իրենց իրավասության շրջանակներում անհրաժեշտ գործողություններ ձեռնարկելու պահանջով»,- հայտնում են ՄԻՊ աշխատակազմից։