Ես հայերին բողոքի ակցիաների կոչ չեմ անում. Մարգարիտա Սիմոնյանը պարզաբանել է
Ռուսական Russia Today լրատվամիջոցի ղեկավար Մարգարիտա Սիմոնյանն անդրադարձել է լրատվամիջոցներում և թելեգրամյան ալիքներում տարածված տեղեկությանն առ այն, որ նա հայերին բողոքի ակցիաներին մասնակցելու կոչ է արել:«Ես հայերին բողոքի ակցիների կոչ չեմ անում. դա դժվար թե օգնի: Ես կոչ եմ անում Հուդա Փաշինյանի հորը նրա առավոտյան սուրճի մեջ թույն թքել և չեմ հասկանում, թե ինչու նա դեռ դա չի արել: Միակ բանը, որ արդարացնում է նրան, այն է, որ նա մահացել է երեք տարի առաջ՝ չտեսնելով առաջին ղարաբաղյան խայտառակությունը»,- գրել է Սիմոնյանը։
Նշենք, որ Russia Today-ի ղեկավարը սեպտեմբերի 20-ին թելեգրամյան ալիքում կիսվել էր բլոգեր Միկա Բադալյանի գրառմամբ, որում վերջին նշել էր, որ «յուրաքանչյուր ոք, ով այսօր (սեպտեմբերի 20-ին) չի գալիս Հանրապետության հրապարակ, մեղսակից է լինելու ոչ միայն Արցախի հանձնմանը, այլև արցախահայության ցեղասպանությանը»։
