Բաքուն Հայաստանից արտատարածքային միջանցք չի պահանջում,եթե Հայաստանը որոշի ձգձգել այս գործընթացը, ապա այդ դեպքում կա պլան «Բ»
Բաքուն չի պահանջում Հայաստանի տարածքով դեպի Նախիջևան արտատարածքային միջանցքի բացում, սակայն պնդում է, որ Երևանն ապահովի երթևեկության անվտանգության հուսալի երաշխիքներ։ Այս մասին հայտարարել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը։Նա նշել է, որ գիտակցում են՝ դա Հայաստանի ինքնիշխան տարածքն է, սակայն այլ հարց է, թե ինչպես է Երևանն ապահովելու այդ տարածքում երթևեկության անվտանգությունը։
«Մենք պնդելու ենք, որ Հայաստանը մեզ հուսալի երաշխիքներ տրամադրի Ադրբեջանի հիմնական հատվածից Նախիջևան գնացք նստող յուրաքանչյուր ուղևորի անվտանգության համար»,-հավելել է Ադրբեջանի նախագահի ներկայացուցիչը՝ շեշտելով՝ եթե Հայաստանը որոշի ձգձգել այս գործընթացը, ապա այդ դեպքում կա պլան «Բ»՝ երթուղին անցնելու է Իրանով։
