Էրդողանի ուղերձը Հայաստանին՝պետք չէ գայթակղվել, ովքեր զինում են Հայաստանին, ամենակարճ ժամանակում նրան կթողեն մենակ
Հայաստանի իշխանությունները, դասեր քաղելով վերջին իրադարձություններից, չպետք է սադրանքների դիմեն։ Այս մասին Հունաստանից վերադառնալուց հետո լրագրողներին ասել է Թուրքիայի նախագահ Ռեջեփ Թայիփ Էրդողանը։Նա նշել է, որ Հայաստանի շահերից է բխում օգտագործել խաղաղության հնարավորությունը և չընկնել Հայաստանին ապակողմնորոշող երկրների թակարդը. «Ադրբեջանի հետ խաղաղության վրա հիմնված հարաբերությունները լավագույն տարբերակն են Հայաստանի համար։ Նրանք, ովքեր զինում են Հայաստանին, ամենակարճ ժամանակում նրան կթողեն մենակ»։
