Մոսկվան և Բաքուն դրական գնահատական են տվել Լեռնային Ղարաբաղի խաղաղապահներին. բայց այդ հարցն արդեն հայկական կողմին չի վերաբերվում
Մոսկվան և Բաքուն համաձայն են, որ այս փուլում Լեռնային Ղարաբաղում ռուս խաղաղապահների ներկայությունը դրական դեր է խաղում, հայտարարել է ՌԴ ԱԳ նախարար Սերգեյ Լավրովը:«Մեզ մոտ այնտեղ իսկապես խաղաղապահներ են մնում, նույնիսկ այն բանից հետո, երբ բոլորը Ղարաբաղը ճանաչել են որպես ադրբեջանական տարածք։ Բայց այդ հարցն արդեն հայկական կողմին չի վերաբերվում։ Դա Ռուսաստանի և Ադրբեջանի միջև երկկողմ հարաբերությունների հարցն է։ Նախագահները քննարկել են այդ թեման, նրանք համակարծիք են եղել, որ այս փուլում ռուս խաղաղապահների ներկայությունը դրական դեր է խաղում, որպեսզի ամրապնդվի կայունությունը, ամրապնդվի վստահությունը տարածաշրջանում և նպաստի Ղարաբաղի այն բնակիչների վերադարձին, ովքեր կցանկանան դա անել», - ասել է նա չորեքշաբթի մամուլի ասուլիսի ժամանակ։
