Տեսանյութ.Սուրբ Սարգսի տոնի առթիվ պարգևատրվեցին Հայաստանի սահմանամերձ զորամասերում ծառայող 20 գնդերեցներ
Հունվարի 27-ին Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի հանդիսապետությամբ առաջնորդարանում տեղի ունեցավ Սուրբ Սարգսի տոնի առթիվ ավանդական դարձած պարգևատրման արարողությունը:Միջոցառմանը ներկա էին ՀՀ ԶՈՒ հոգեւոր առաջնորդ Հոգեշնորհ Տեր Մովսես վարդապես Սարգսյանը, Արարատյան Հայրապետական թեմի թեմական խորհրդի ատենապետ Նարեկ Աշուղաթոյանը, առաջնորդանիստ Սուրբ Սարգիս եկեղեցու խաչքավոր Հակոբ Մանուկյանը, գնդերեցներ, երիտասարդներ։
Նավասարդ Սրբազանը Ս. Սարգսի տոնի առթիվ պարգևատրեց ՀՀ Զինված ուժերի հոգեւոր առաջնորդության 20 գնդերեցներին, ովքեր ծառայում են Հայաստանի սահմանամերձ զորամասերում եւ աչքի են ընկել իրենց նվիրյալ ծառայությամբ։
Սուրբ Սարգսի տոնի առթիվ Հայոց բանակի զինվորականների պարգեւատրման արարողությունն Արարատյան Հայրապետական թեմում իրականացվում է 2016թ․–ից՝ Նավասարդ Սրբազանի նախաձեռնությամբ:
