Տեսանյութ.Խոշոր հրդեհ Երեւանում. Ինչպես է այրվում պահածոների պահեստը

***

Թբիլիսյան խճուղում՝ պահեստային տարածքում հրդեհի հետևանքով, նախնական տվյալներով, տուժածներ այս պահին չկան, մեկ քաղաքացի և մեկ հրշեջ ծխահարվել են, նրանց նախնական բուժօգնություն է ցուցաբերվել: Այս մասին լրագրողների հետ զրույցում ասաց ՆԳՆ մամուլի քարտուղար Նարեկ Սարգսյանը՝ Թբիլիսյան խճուղում գտնվող պահածոների պահեստում բռնկված հրդեհի դեպքի վայրից։


Սարգսյանը հայտնել է, որ կարճ ժամանակահատվածում կանխվել է հրդեհի տարածումը, այս պահին հրդեհաշիջման աշխատանքներ են տարվում։ Նա նաև հերքել է մամուլում շրջանառվող լուրերն առ այն, որ հրդեհից առաջ պայթյուն է եղել, ըստ Սարգսյանի՝ նախնական տվյալներով պայթյուն չի եղել։