Ուկրաինայի հարցով Հայաստանը Ռուսաստանի դաշնակիցը չէ, ուկրաինացի ժողովուրդը մեր բարեկամ ժողովուրդն է
Մեր արտաքին քաղաքականության նպատակը մեր տարածքային ամբողջականությունը, անկախությունը, ինքնիշխանությունը պահպանելն է: Այս մասին ասել է Նիկոլ Փաշինյանը Մյունխենի և հարակից շրջանների հայ համայնքի ներկայացուցիչների հետ հանդիպման ժամանակ։«ԵՄ-ի եւ ընդհանրապես մեր բոլոր արեւմտյան գործընկերների հետ հարաբերություններում, ես կարեւորում եմ ոչ միայն նյութական հարաբերությունները, այլեւ արժեքաբանական հարաբերությունները: Ժողովրդավարությունը մեզ համար կարեւորէ, թե կարեւոր չի, այսինքն սրա վրա պետք է կառուցենք: ԵՄ-ի հետ մեր կապերը ժողովրդավարության պատճառով է զարգանում այսօր: ԵՄ-ն մեզ աջակցում է ժողովրդավարության հարցով եւ մենք էլ սովորում ենք՝ ինչ է ժողովրդավարությունը»,-ասաց նա:
Նա նորից նշեց, որ Ուկրաինայի հարցով Հայաստանը Ռուսաստանի գործընկերը չի, եւ ասաց, որ շատ ցավում է, որ չի կարող ազդեցություն ունենալ իրավիճակի վրա:
«Ուկրաինացի ժողովուրդը մեր բարեկամ ժողովուրդն է, մենք դա էլ պետք է հաշվի առնենք, շնորհակալության հարց կա չէ, Ուկրաինայում հայերը ոնց են զգացել իրենց, լավ են զգացել, մենք հո երախտամոռ չենք, չենք կարող սա մոռանալ»,-ասաց նա:
