Ռոսսելխոզնադզորը խախտումներ է հայտնաբերել նաև Հայաստանից ներմուծված ձկնկիթում
Ռոսսելխոզնադզորը խախտումներ է հայտնաբերել Հայաստանից մատակարարված ձկնկիթում։ Այս մասին տեղեկացնում է գերատեսչության մամուլի ծառայությունը։Ըստ այդմ, ժամանակավորապես սահմանափակվել են «Մաքս Ֆիշ» ընկերության ծիածանափայլ իշխանի կարմիր հատիկավոր ձկնկիթի և ծիածանափայլ իշխանի կարմիր սառեցված ձկնկիթի մատակարարումները:
Ըստ գերատեսչության՝ դրանցում հայտնաբերվել են աղիքային ցուպիկի խմբի մանրէներ։
Ավելի վաղ «Ջերմուկ» հանքային ջրի հետ կապված աղմուկ եղավ, երբ տեղեկություններ տարածվեցին, որ հանքային ջրի օգտագործումից ՌԴ քաղաքացի է մահացել՝ ստանալով կորակրափողի այրվածք։ Ռուսական կողմից հայտնել էին, թե «Ջերմուկ» հանքային ջրի շշում քացախ է եղել, որի հետևանքով արգելվեց ապրանքի ներմուծումը, միաժամանակ շրջանառությունից հանվեցին ապրանքի մի քանի խմբաքանակներ։ Հայաստանի ՍԱՏՄ-ն այս խնդրի շուրջ հայտարարություն տարածեց, որ արտադրական պրոցեսն ավտոմատացված է ու բացառվում է այդ ըթնացքում քացախի հայտնվելը շշում։
