Ռուսաստանը պատրաստ է միջուկային պատերազմի. Վլադիմիր Պուտին
Ռազմատեխնիկական տեսանկյունից Ռուսաստանը պատրաստ է միջուկային պատերազմի, ասել է ՌԴ նախագահ Վլադիմիր Պուտինը։«Ռազմատեխնիկական տեսանկյունից մենք, իհարկե, պատրաստ ենք: Դրանք մշտապես մարտական պատրաստության վիճակում են»,- ասել է Պուտինը «Ռոսիա 1»-ի և «ՌԻԱ Նովոստի»-ի լրագրող Դմիտրի Կիսելյովին տված հարցազրույցում՝ պատասխանելով հարցին, թե արդյոք Ռուսաստանը պատրաստ է միջուկային պատերազմի։
Պուտինը հիշեցրել է, որ ԱՄՆ-ում հայտարարել են, որ չեն պատրաստվում իրենց զորքերն ուղարկել Ուկրաինա։ ՌԴ նախագահի խոսքով, ԱՄՆ-ը հասկանում է, որ Ռուսաստանն ամերիկյան զորքերի մուտքը, կդիտարկի որպես միջամտություն։
«Չեմ կարծում, որ ձգտում են ուղիղ առճակատման, բայց մենք պատրաստ ենք դրան»,- ընդգծել է Պուտինը։
