Վերջին մեկ ամսում ՌԴ-ում օդանավի կործանման հերթական դեպքը. «Մի-8» ուղղաթիռ է կործանվել, ներսում եղել է 20 մարդ
ՌԴ-ում հերթական օդանավն է կործանվել, ինքնաթիռում եղել է 20 մարդ։Մարտի 14-ի գիշերը ՌԴ Մագադանի շրջանում Մի-8 ուղղաթիռ է կործանվել։ Այս մասին իր Telegram-ում հայտնել է Մագադանի շրջանի նահանգապետ Սերգեյ Նոսովը։
Նշվում է, որ այն հայտնվել է ձնաբքի մեջ, ինչի հետևանքով շարժիչը խափանվել է և վթարային վայրէջք է պահանջվել:
«Փրկարարական խումբը և բժիշկները արտակարգ դեպքի վայր են ուղարկվել «Դալներեչենսկ Ավիա» ուղղաթիռով Հյուսիսային Էվենսկի շրջանում: Նրանք թռել են «Կոլիմա» ավիացիայի արտակարգ թռիչքներով՝ տուժածներին օգնելու և տարհանելու համար»,- գրել է նա:
Ռուսական Mash Տելեգրամ-ալիքն էլ հայտնել է, որ ուղղաթիռով թռել են հանքի հերթափոխի աշխատողներ։ Հաղորդվում է մեկ մարդու մահվան և մի քանի վիրավորի մասին։
«Օդանավը կործանվել է Հյուսիսային Էվենսկի շրջանում, ներսում եղել է 20 մարդ է», — ասվում է հաղորդագրության մեջ։
Ավելի ուշ ալիքը հայտարարել է, որ Մի-8-ի օդաչուները դիսպետչերներին հայտնել են թռիչքից 13 կիլոմետր հեռավորության վրա շարժիչի խափանման մասին: Օդանավը հայտնվել է ձնաբքի մեջ, ինչի հետևանքով շարժիչը խափանվել է և վթարային վայրէջք է պահանջվել: Ընդհանուր առմամբ, ինքնաթիռում եղել է ոսկու հանքի 17 աշխատող և անձնակազմի երեք անդամ։
«Ուղղաթիռը թռչում էր Սոպկա Կվարցևայա-Օմսուկչան երթուղով: Հերթափոխի աշխատողներին տեղափոխող ընկերությունը «Դալներեչենսկ Ավիա»-ն էր»,- ասվում է հաղորդագրության մեջ:
«Փրկարարական աշխատանքներին ներգրավվել է երկու ուղղաթիռ և վերգետնյա մեքենա: Որոնողական ինքնաթիռների օգտագործումը դեռևս դժվար է տարածաշրջանում եղանակային բարդ պայմանների պատճառով»,- ասվում է հաղորդագրության մեջ:
Նշենք՝ վերջին մեկ ամսում ՌԴ-ում օդանավի կործանման մի քանի դեպք է գրանցվել:
