Պուտինին պետք է նոր նախարար, ով կկանգնեցնի պատերազմը, սակայն ընտրեց հերթական «խամաճիկին»
Մեծ Բրիտանիայի պաշտպանության նախարար Գրանտ Շապսը մեկնաբանել է ՌԴ նախագահ Վլադիմիր Պուտինի՝ Սերգեյ Շոյգուին Ռուսաստանի պաշտպանության նախարարության ղեկավարի պաշտոնում Անդրեյ Բելոուսովով փոխարինելու որոշումը։Նա համապատասխան հրապարակում է արել X սոցիալական ցանցում։
Ըստ Շապսի՝ Ռուսաստանի Դաշնության պաշտպանության նոր նախարարը կլինի Պուտինի հերթական «խամաճիկը»։
«Սերգեյ Շոյգուի կառավարման ներքո ՌԴ-ն կորցրել է ավելի քան 355 հազար զինվոր: Ռուսաստանին պետք է պաշտպանության նախարար, որը կվերացնի այդ աղետալի ժառանգությունը և վերջ կդնի ներխուժմանը, բայց այն ամենը, ինչ նրանք կստանան, Պուտինի հերթական խամաճիկն է», - գրել է Շապսը։
