Որոնք են հորոսկոպի տարերքների ամենաուժեղ և թույլ կենդանակերպի նշանները
Աստղագուշակի տարերքների յուրաքանչյուրի մեջ կարելի է առանձնացնել մեկ ամենահզոր նշանը, որո՞նք են ամենաուժեղ նշանները, և ինչպե՞ս է իրենց ուժը դրսևորվում կյանքում։Օդի տարերք
1․Ջրհոս 21.01-19.02
Օդի տարերքի ցուցակում ամենաուժեղ նշանն է Ջրհոսը։ Չնայած որոշակի երազկոտությանն ու վեհ իդեալների հասնելու ձգտումներին, սա այն նշանն է, որը բազմաթիվ դժվարություններ է ունենում կյանքում, սակայն երբեք չի հուսահատվում։ Ջրհոսները կարող են շատ արագորեն հարմարվել կյանքի ցանկացած փոփոխություններին, ինչն էլ իրենց ավելի ուժեղ է դարձնում։
2․Կշեռք 24.09-23.10
Երկրորդ տեղում է Կշեռքը։ Կշեռքն այդքան էլ թույլ չէ, սակայն այս մարդիկ գործն ավարտին չհասցնելու և իրենց էներգիան շռայլելու վատ սովորություն ունեն։ Նրանց մոտ շատ արագ է հանգչում ոգևորությունն ու ցանկությունը, իսկ դրա հետ միասին նաև նպատակը։
3․Երկվորյակներ 21.05-21.06
Այս տարերքի նշաններից ամենաթույլն են Երկվորյակները։ Չեն կարողանում կենտրոնանալ մեկ գործի վրա, իրենց հաճախ չի բավականացնում կողմնակի աջակցությունը։ Երբ բախվում են դժվարություններին, խուճապի են մատնվում և աջակցություն խնդրում ուրիշներից։
Կրակի տարերք
1․Աղեղնավոր 23.11-21.12
Այս տարերքի ամենահզոր ներկայացուցիչն է Աղեղնավորը։ Այս մարդիկ երբեք չեն վհատվում և աշխատում են պահպանել մարդկայնությունը ցանկացած պարագայում։ Կարողանում են վերահսկել իրենց զգացմունքները, չեն ենթարկվում սադրանքների և միշտ ունեն իրենց կարծիքը։
2․Առյուծ 23.07-23.08
Առյուծը երկրորդ տեղում է։ Առաջին հայացքից այս նշանի ներկայացուցիչները հզոր և կամային են թվում։ Սակայն նրանք մեծ հաշվով կախված են արտաքիր հանգամանքներից և շրջապատի կարծիքից։ Առյուծները միշտ աջակցության և գովասանքի կարիքն ունեն։ Եթե դա չլինի, իրենք շատ արագ կհուսահատվեն։
3․Խոյ 21.03-20.04
Կրակի տարերքի ամենաթույլ նշանն է։ Չնայած, որ այս նշանի ներկայացուցիչները բավականին ակտիվ են և գործունյա, Խոյերը չեն կարող վերահսկել իրենց զգացմունքները և շատ են կախված իրենց հոգում կատարվող ամեն ինչից։ Երբեմն նրանք անխոհեմ քայլեր են անում, ինչը հանգեցնում է դժվարին իրավիճակների։
Երկրի տարերք
1․Այծեղջյուր 22.12-20.01
Երկրի տարերքի ամենաուժեղ նշանն է համարվում Այծեղջյուրը։ Նա համառ է, հետևողական և վճռական։ Նրան բարդ է վիրավորել, և նույնիսկ եթե ամեն բան վատ է, նա միևնույն է կհասնի իր նպատակին։
2․Կույս 24.08-23.09
Կույսերը երկրորդ տեղում են։ Հաճախ ուժեղ մարդու տպավորություն են թողնում, սակայն երբեմն ունակ չեն աշխարհն ընկալել այնպիսին, ինչպիսին այն կա, և պարզապես սկսում են ընթանալ հոսանքին համաձայն։
3․Ցուլ 21.04-20.05
Ցուլն ամենաթույլ նշանն է Երկրի տարերքի նշաններից։ Այս մարդիկ չեն սիրում փոփոխությունները։ Իրենց ամբողջ կյանքն նրանք ուզում են ապրել հանգիստ և երջանիկ, սակայն եթե իրենց պլանները ձախողվում են, Ցուլերը անպաշտպան են դառնում։
Ջրի տարերք
1․ Ձկներ 20.02-20.03
Ձկները Ջրի տարերքի ամենաուժեղ նշանն են։ Բացի այդ, նրանք ուժեղ են ոչ միայն իրենց տարերքի նշաններից, այլ նաև կենդանակերպի մյուս նշաններից։ Սա կարող է մի փոքր տարօրինակ թվալ, քանի որ Ձկների մոտ հաճախ ի սպառ բացակայում է կապը արտաքին աշխարհի հետ, սակայն հենց սա է իրենց ուժը։ Ձկները կարող են երկար ժամանակ դիմանալ, սպասել, հուսալ, և այս ուժը օգնում է իրենց մինջև վերջ պայքարել։
2․ Կարիճ 24.10 - 22.11
Կարիճն այդքան ուժեղ չէ, որքան Ձկները։ Կարիճի թուլությունն այնն է, որ նա երկար ժամանակ կարող է իր մեջ զգացմունքներ կուտակել, և դա ներսից քայքայում է Կարիճին՝ ավելի ու ավելի թուլացնելով։
3․Խեցգետին 22.06-22.07
Խեցգետինը այս տարերքի ամենազգայուն նշանն է։ Այս մարդիկ շատ զգայուն են և խոցելի։ Նրանց անընդհատ բարոյական աջակցություն և օգնություն է հարկավոր։ Եթե իրենց կողքին ոչ ոք չլինի, Խեցգետինը կընկալի դա որպես նշան այն բանի մասին, որ ոչինչ փոխել չես կարող, և ընկճախտն ապահովված է։
Ակնհայտ է, որ թույլ նշանի իշխանության ընթացքում ծնվելը ամենևին անհաջողության և բարդությունների նշան չէ։ Իսկ ուժեղ նշանի հովանավորությունը չի նշանակում, որ մարդը կարող է հասնել ամեն բանի առանց որևիցե ջանքերի։ Կարևոր է հիշել, որ ուժը միայն ծնվելուց չի տրվում մարդուն: Այն կարելի է ձեռք բերել կյանքի ընթացքում՝ դժվարությունները հաղթահարելու շնորհիվ:
