171 նոր ավտոբուսի համար պետք են 342 վարորդներ՝ 420 000 և 500 000 դրամ աշխատավարձով
Մենք 2 ամիս շուտ այլեր նախաձեռնեցինք, որպեսզի մասամբ անցնենք միասնական տոմսային համակարգի գործարկմանը և անցումը կանխիկ վճարումներից դարձնենք անկանխիկ։Այս մասին Երևանի գործակարգավարական խորհրդակցության ընթացքում ասաց Երևանի քաղաքապետ Տիգրան Ավինյանը։
«Հույս ունեմ, որ մինչև հունվարի 1-ը մենք գրեթե 100 տոկոսով կմոտենանք անկանխիկին»,-ասաց նա ընդգծելով, որ քննարկումներ են ունեցել ԿԲ-ի հետ և շուտով կլուծվի նաև բանկային քարտերով վճարումների հարցը։
Նա նաև ընդգծեց, որ բոլոր խնդիրներով հանդերձ կարծում է որ միասնական տոմսային համակարգնմ այն ուղղությունն է, որ այլընտրանք չունի։
Ավինյանը նաև նշեց, որ շուտով ավագանու նիստում անդրադարձ է արվելու արտոնյալ խմբերին հատկացվելիք զեղչային համակարգերին։
Նա նաև նշեց, որ «Երևան ավտոբուսը» նոր վարորդների կարիք ունի։ «Մեզ 171 նոր ավտոբուսի համար անհրաժեշտ է 342 վարորդ՝ D կարգով, 2 տարվա աշխատանքային ստաժով։ Պետք է բարձրաձայնել նրանց աշխատավարձը, որպեսզի բոլորը հասկանան, թե դա ինչ կարգի աշխատանք է և ինչ կարգի աշխատավարձ է ենթադրում»։
«Երևանի ավտոբուս»-ի տնօրեն Բեգլար Կիրակոսյանը հայտնեց, որ պահանջվող վարորդների աշխատավարձը 420 հազար դրամ է՝ 8.5 մետրոնոց ավտոբուսների համար, իսկ մեծ ավտոբուսների դեպքում՝ 500 հազար գործում է 14-օրյա գրաֆիկ։
