Բագրատաշենի անցակետի պահեստներից մեկում բռնկված հրդեհի հետևանքով կա 3 տուժած
Բագրատաշենի անցակետի պահեստում բռնկված հրդեհը մեկուսացվել է ժամը 14։24-ին։Հրդեհի հետևանքով տուժել է 3 անձ, որոնց տեղում փրկարարներն ու ոստիկանները ցույց են տվել առաջին օգնություն։ Նրանք տեղափոխվել են բժշկական կենտրոն։ Այս մասին իր ֆեյսբուքյան գրառմամբ տեղեկացնում է ՆԳՆ մամուլի քարտուղար Նարեկ Սարգսյանը:
Հիշեցնենք, որ ավելի վաղ հաղորդել էինք, որ այսօր՝ ժամը 12։43-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Բագրատաշենի անցակետում գտնվող պահեստում։
