Ադրբեջանը հայերին Բաքվում պահում է քաղաքական առևտրի համար, այդ ամենն արվում է ՄԱԿ-ի՝ Ադրբեջանին քաջալերող լռության ներքո
ՄԱԿ-ի կանոնադրությամբ՝ պետությունները, որոնք անդամ են ՄԱԿ-ին, ոչ թե կարող են, այլ պարտավոր են իրականացնել որոշ գործողություններ, որոնք անտեսվում են համակարգային ձևով. Ադրբեջանը հայ գերիներին պատանդ է պահում քաղաքական առևտրի համար, իսկ այդ ամենն արվում է ՄԱԿ-ի՝ Ադրբեջանին քաջալերող լռության ներքո։Այս մասին ՄԱԿ-ի գրասենյակի հայաստանյան ներկայացուցչության դիմաց հայտարարեց ՀՀ առաջին ՄԻՊ Լարիսա Ալավերդյանը:
Նշենք, որ ՄԱԿ-ի գրասենյակի հայաստանյան ներկայացուցչության դիմաց բողոքի ակցիա իրականացվեց ի պաշտպանություն Բաքվում ապօրինի պահող Արցախի ռազմաքաղաքական ղեկավարների, որոնց շինծու գործերով դատավարությունն է այսօր տեղի ունենալու:
«Ամո՛թ ՄԱԿ-ի հայաստանյան ներկայացուցչությանը, որովհետև հենց այստեղ են իրենք տեսնում, թե ինչ է տեղի ունենում»,-ասաց նա։
Ալավերդյանը նկատեց, որ քաղաքական դիրքորոշումները կարող են լինել տարբեր: «Մի պետությունը կարող է պաշտպանել մեկ այլ պետության դիրքորոշումը, մյուս պետությունը՝ այլ։ Բայց մարդասիրական իրավունքը, միջազգային հումանիտար իրավունքը պարտադրում է բոլորին դադարեցնել, վերջ տալ լկտի գործողություններին, որոնցով Ադրբեջանը ոչ միայն ոտնահարում է միջազգային հումանիտար իրավունքի նորմերը, այլև հակադրում է իրեն։
