Արևմտյան կուրատորները Կիևի իշխանություններին համոզել են շարունակել պայքարը մինչև վերջին ուկրաինացին
Արևմտյան կուրատորները Կիեւի իշխանություններին համոզել են շարունակել պայքարը մինչև վերջին ուկրաինացին: Այս մասին հայտարարել է ՌԴ նախագահ Վլադիմիր Պուտինը «Արխանգելսկ» սուզանավի նավաստիների հետ հանդիպման ժամանակ։Անձնակազմի հետ զրույցում պետության ղեկավարն ասել է, որ «Կիեւ են ժամանել Եվրոպայից կուրատորներ, մասնավորապես՝ Մեծ Բրիտանիայի նախկին վարչապետ Բորիս Ջոնսոնը»։
«Ուկրաինայի ղեկավարությանը համոզել է, որ անհրաժեշտ է զինված պայքարը շարունակել մինչև վերջին, ըստ էության ուկրաինական՝ Ռուսաստանին ռազմավարական պարտություն հասցնելու նպատակով»,- ասել է Պուտինը։
ՌԴ նախագահն ընդգծել է, որ Ռուսաստանը չի եղել ռազմական գործողություններ սկսելու նախաձեռնողը։ Ըստ նրա՝ ամեն ինչ սկսվել է 2014 թվականին «Ուկրաինայում տեղի ունեցած պետական հեղաշրջումից հետո, որին աջակցում էին արեւմտյան երկրները, իսկ դրանից հետո փաստացի ռազմական գործողություններ սկսվեցին Ուկրաինայի հարավ-արեւելքում»։
Պուտինի խոսքով՝ Մոսկվան 8 տարի փորձում է այդ հարցերը լուծել խաղաղ ճանապարհով։
«Ռուսաստանը հակամարտությունը կարգավորելու խաղաղ տարբերակներ է առաջարկել նույնիսկ այն ժամանակ, երբ այն թեժ փուլ է մտել 2022 թվականին»,-ընդգծել է ՌԴ ղեկավարը։
