Թբիլիսիում ՆԱՏՕ-ի զորավարժություններին մասնակցում է նաև Հայաստանը
ՆԱՏՕ-Վրաստան 2025 բազմազգ հրամանատարաշտաբային զորավարժությունները մեկնարկել են երկուշաբթի Թբիլիսիից ոչ հեռու գտնվող ՆԱՏՕ-Վրաստան համատեղ վարժական և գնահատման կենտրոնի (JTEC) զորավարժարանում: Վրաստանի պաշտպանական գերատեսչության հաղորդմամբ, համատեղ զորավարժությունների շտաբային և դաշտային բաղադրիչներին մասնակցում են Վրաստանը, Բուլղարիան, Ֆրանսիան, Գերմանիան, Հունաստանը, Հունգարիան, Իտալիան, Լիտվան, Լեհաստանը, Սլովակիան, Թուրքիան, Մեծ Բրիտանիան, ԱՄՆ-ը, Ադրբեջանը, Մոլդովան, Հայաստանը և Թունիսը:«Զորավարժության նպատակն է պատրաստել բրիգադի մակարդակով բազմազգ ստորաբաժանում՝ վրացական կողմի ղեկավարությամբ՝ պլանավորման և ճգնաժամային գործողություններ իրականացնելով», - ասված է վրացական կողմի հաղորդագրությունում:
Սա արդեն չորրորդ զորավարժությունն է ՆԱՏՕ-Վրաստան զորավարժությունների շարքում, որոնք Վրաստանում անցկացվում են երեք տարին մեկ:
